Category Archives: Sin categoría

Liga Galega por equipos de Club 2025

Mañá Sábado, 15 de Febreiro de 2025 terá lugar a terceira rolda da Liga Galega por equipos de Club 2025.

Na División de Honra (máxima categoría Galega) o equipo  Xadrez: Estratexia Pola Paz, sitúase provisionalmente na primeira posición con 9,5 puntos, seguido do Círculo Ferrolano A con 9 puntos e empatados a 8 puntos o Club Deportivo Xadrez Ourense A e o Benchoshey Pereiro de Aguiar.

Na Preferente, no grupo A, o equipo USC  posicionase provisionalmente de primeiro con 10,5 puntos seguido do Círculo Ferrolano B con 9 puntos e o Algalia con 8,5. E no grupo B, o primeiro provisional e o CXF Espazo Xove con 10.5 puntos seguido do Club Xadrez Mos con 10 puntos.

Ritmos de xogo:

  • División de Honra, Preferente, Primeira e Segunda División: 90 min. + 30 seg/xogada
  • Terceira División xogarán a 60′ + 30”/xogada

Documentación:

XXXVI Circuito Galego de Xadrez 2025

Dando continuidade ao circuito internacional celebrado o ano pasado, desde a Federación Galega de Xadrez estase a traballar na elaboración do XXXVI CIRCUITO GALEGO DE XADREZ INTERNACIONAL 2025.

Este ano como novidade o Circuito Internacional poderá estar formado por torneos standard e/ou torneo de rápidas celebrados entre Maio 2025 e Novembro 2025 (ambos meses incluídos) e atendendo ás solicitudes recibidas dos organizadores da anterior edición e outros que o soliciten fehacentemente.

Establécense 3 tipos de torneos cun mínimo de premios en metálico (toda a información neste enlace).

O prazo de solicitude de inscrición de torneos permanecerá aberto ata o 25 de Febreiro de 2025 (incluído). As entidades interesadas deberán enviar o formulario de coordinación (formato pdfformato word ou formato OpenOffice) debidamente cumplimentado ao e-mail fegaxa@fegaxa.org. Se non se recibe o formulario dalgún dos torneos, entenderase que este ano non terá lugar.

Campionatos “Xunta de Galicia” Entroido 2025

A Federación Galega de Xadrez convoca os Campionatos “Xunta de Galicia” Entroido 2025 que terán lugar no Hotel Scala (Padrón) do 01 ao 04 de Marzo de 2025.

Datas Sub-08: 01 e 02 de Marzo de 2025.

Datas Sub-14 e Sub-18: do 01  ao 04 de Marzo de 2025.

Lugar de xogo: Hotel Scala sito na estrada N-550, S/N – 15917 Padrón (A Coruña).

Bases e inscricións.

O prazo de inscrición e reserva de aloxamento estará aberto ata o 24/02/2025 (incluído).

Concesión arbitraxe Campionatos Galegos 2025

Rematado o prazo de solicitude para arbitrar nos Campionatos Galegos de Entroido e Semana Santa 2025, publícase a concesión aos mesmos no seguinte enlace.

Campionatos Provinciais 2025

Celebrados todos os Campionatos Provinciais 2025, as clasificacións finais atoparanse neste enlace.

Afiliación Tempada 2025

Xa están realizados e publicados os calendarios correspondentes á Liga Galega por Equipos de Club 2025. Toda a información en https://xefega.fegaxa.org/

Documentación Liga Galega por equipos de Club 2025.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies