Campionato de España Individual de Xadrez Lóstrego e Xadrez Rápido 2023
O venres, 18 de Agosto de 2023 celebrouse o Campionato de España Individual de Xadrez Lóstrego 2023 no Hotel Palacio de Mengíbar (Jaén) con 24 xogadores galegos participantes, onde o xogador de Murcia e GM Jose Carlos Ibarra Jerez e a xogadora de Andalucía MI Ana Matnadze proclamáronse Campións de España con 9,5 e 7,0 puntos respectivamente. Toda a información no enlace de Info64.
E o Sábado, 19 de Agosto de 2023 no Hotel Aníbal de Linares (Jaén) tivo lugar o Campionato de España Individual de Xadrez Rápido 2023 con 19 xogadores galegos participantes onde o xogador de Madrid e GM Eduardo Iturrizaga Bonelli e a xogadora de Aragón MI Sabrina Vega proclamáronse Campións de España con 8,5 e 7,0 puntos respectivamente. O xogador galego do Círculo Ferrolán de Xadrez, D. Pablo Fernández Borrego, obtivo o 8º posto con 7,5 puntos. Máis información, no seguinte enlace.
Campionato de España por equipos de Club de Segunda División
O venres, 18 de Agosto de 2023 tivo lugar a clausura e entrega de premios do CECLUB de Segunda División 2023 en Linares (Jaén) onde o equipo de Valencia: EVA Manises proclamouse Campión de España con 14 puntos.
A clasificación final dos equipos galegos participantes neste Campionato foi:
Club Xadrez Rianxo no 8º posto con 10 puntos.
Escola Luguesa de Xadrez no 27º posto con 7 puntos.
Círculo Ferrolán de Xadrez no 34º posto con 7 puntos.
Máis información en Info64.
Curso de Adestrador/a Deportivo/a – Bloque Común, Nivel I
A Federación Galega de Xadrez, a través da Escola Galega do Deporte, realizará un curso do bloque común de adestrador/a deportivo/a, nivel I.
Toda persona interesada, terá que realizar unha preinscripción ao e-mail fegaxa@fegaxa.org. PRAZO PECHADO.
A documentación que se solicitará aos alumnos unha vez que acabe o prazo da preinscripción será:
- Solicitude de inscrición (enviarase a medida que se reciban as inscricións)
- Fotocopia do DNI
- Titulación mínima de acceso: ESO ou equivalente con fotocopia compulsada.
- Ter un elo FIDE de, mínimo, 1600 puntos.
- Xustificante do pago da taxa correspondente (enviarase a información a medida que se reciban as inscricións).
Máis información, neste enlace ou no teléfono 98 623 7945.
XXXVIII Open Internacional de Xadrez Albariño
Onte tivo lugar a clausura e entrega de premios do IV Torneo pertencente ao XXXIV CIRCUITO GALEGO DE XADREZ 2023: XXXVIII Open Internacional de Xadrez Albariño.
O xogador MI Lennis Martinez Ramirez proclamouse este ano campión do torneo con 8,0 puntos. O xogador do Club USC Diego Cacheiro Blanco clasificouse no 2º posto con 7,5 puntos.
Enlace Info64
Clasificación Provisional do XXXIV Circuito Galego de Xadrez 2023 (Actualizado 10/08/2023)
Campionatos de España de Idades – Salobreña 2023
Este fin de semana tivo lugar a derradeira categoría dos Campionatos de España de Idades, Sub-18. Onde o xogador FM Xulio Del Prado Rodríguez do Xadrez Ourense proclamouse Campión de España da modalidade de rápidas.
Este ano obtivéronse 8 podios:
- Mateo Rey Barciela (Ajedrez Lucena) – 3º clasificado no Campionato de España Sub-08.
- Mar Rodríguez Collazo (TDFC) – 2ª clasificada feminina (30º posto na xeral) no Campionato de España Sub-08.
- Diego Ibáñez Cruces (Ajedrez Lucena) – Subcampión de España Rápidas Sub-12.
- Xulio Del Prado Rodríguez (Xadrez Ourense) – Campión de España Sub-16.
- Diego Cacheiro Blanco (USC) – Subcampión de España Sub-16.
- Paula Suárez Gómez – 2ª clasificada feminina (53º posto na xeral) no Campionato de España Sub-16.
- Nerea Cereijo Suárez (Escola Xadrez Compostela) – 2ª clasificada feminina (63º posto na xeral) no Campionato de España Rápidas Sub-16.
- Xulio Del Prado Rodríguez (Xadrez Ourense) – Campión de España Rápidas Sub-18.
Noraboa!!
Campionato de España Sub-16 Lentas Sub -16 Xadrez Rápido 2023
O sábado 29 de xullo tivo lugar a clausura e entrega de premios do Campionato de España Sub-16 de lentas no Hotel Salobreña Suites, onde o xogador Galego Xulio del Prado Rodriguez (Club Deportivo Xadrez Ouense) proclamouse Campión con 8.5 puntos, acompañao no podio Diego Cacheiro Blanco (Club USC) en segunda posición con 7.5 puntos e Paula Suarez Gomez (Xadrez Fontecarmoa) segunda Clasificada Feminina.
Onte tivo lugar a clausura e entrega de premios no Hotel Salobreña Suites (Granada) do Campionato de España Sub-16 de rápidas, Diego Macias Pino da Comunidad Valenciana e Arami Lobo Pereira de Cataluña proclamaronse Campións de España por Edades de Xadrez Rápido Sub 16, a xogadora Galega Nerea Cereijo Suarez (Escola Xadrez Compostela) obtivo o segundo posto do podio Feminino.
¡Parabéns!
