Daily Archives: 18 de Agosto de 2026
Campionatos de España Individuais Lóstrego e Rápidas 2026
O Sábado, 15 de Agosto de 2026 nos salóns do Hotel Palacio de Mengíbar (Jaén) tivo lugar o Campionato de España Individual Absoluto de Xadrez Lóstrego 2026 con 8 xogadores galegos, entre eles 1 FM (Pablo López Varela da Escola Luguesa de Xadrez). Proclamouse campión o xogador valenciano GM Jaime Santos Latasa con 9,0 puntos dos 11 posibles e a campioa foi IM Anna Matnadze Bujiashvili con 8 puntos e no posto 15º. O mellor xogador galego clasificado foi Uxío Vilariño Lorenzo da Escola Luguesa de Xadrez con 7,0 puntos no posto 55º.
E o Domingo, 16 de Agosto de 2026, tamén nos salóns do Hotel Palacio de Mengíbar (Jaén) tivo lugar o Campionato de España Individual Absoluto de Xadrez Rápido 2026 con 8 xogadores galegos, entre eles 1 WIM (Yudania Hernández Estévez do CD Xadrez Ourense) e 1 FM (Pablo López Varela da Escola Luguesa de Xadrez). Volveu a proclamarse campión o xogador valenciano GM Jaime Santos Latasa con 9,5 puntos dos 11 posibles e como campioa a xogadora do Xadrez Benchoshey a WIM Lidia Karen Zapata Campos con 8,0 puntos e posto 22º.
Toda a información nos seguintes enlaces: Xadrez Lóstrego e Xadrez Rápido.
XII Abierto Internacional de Ajedrez Hotel CEMAR
O Domingo, 16 de Agosto de 2026 tivo lugar a clausura e entrega de premios do 8º Torneo pertencente ao XXXVII Circuito Galego de Xadrez 2026: XII Abierto Internacional de Ajedrez Hotel CEMAR.
O xogador francés Erwan Lever proclamouse campión do torneo con 7,5 puntos dos 9 posibles. O 2º clasificado foi o IM Diego A. Espiñeira González, do Ajedrez Padrón, tamén con 7,5 puntos e o 3º clasificado FM David Gómez Diéguez do CD Xadrez Ourense con 7,0 puntos.
Actualízase a clasificación provisional do Circuito neste enlace.
