Campionato de España Absoluto e Feminino, Xadrez Rápido e Xadrez Relámpago 2016
CAMPIONATO DE ESPAÑA ABSOLUTO E FEMININO 2016.
Francisco Vallejo Pons proclamouse Campión de España Absoluto con 7,5 puntos mentras que Ana Matnadze proclamouse Campiona de España Feminina con 6,5 puntos. O Campionato de España Absoluto e Feminino celebrouse en Linares durante os días 5 e 13 de agosto e contou con 155 participantes. O podio absoluto completouse con David Antón Guijarro como subcampión e con Alvar Alonso Rosell como tercer clasificado. No podio feminino, Sabrina Vega Gutiérrez facíase có subcampionato mentras que Eihartze Buiza Prieto finalizaba na terceira posición.
CAMPIONATO DE ESPAÑA DE XADREZ RÁPIDO 2016.
Alvar Alonso Rosell proclamouse Campión de España de Xadrez Rápido con 7,5 puntos. Na clasificación feminina, Ana Matnadze finalizou en primeira posición ocupando o octavo puesto na clasificación absoluta con 6,5 puntos. A clasificación absoluta completouna Miguel Muñoz como segundo clasificado e David Antón Guijarro como tercer clasificado, ambos con 7 puntos.
CAMPIONATO DE ESPAÑA DE XADREZ RELÁMPAGO 2016.
O Campionato de España de Xadrez Relámpago concluíu o pasado luns 15 de Agosto con 134 participantes. Marc Narciso Dublan proclamouse campión con 8,5 puntos de 9 posibles. Alvar Alonso Rosell finalizou segundo con 8 puntos mentras que con 7 puntos Hipolito Asis Gargatagli acabou o torneo no tercer posto. Ana Matnadze, con 6 puntos, ocupou o primer posto na clasificación feminina.
