Monthly Archives: Agosto 2021
Campionato de España Individual Absoluto e Feminino 2021
Durante os días 16 e 24 de agosto celebrouse o Campionato de España Individual Absoluto e Feminino nos salóns do hotel “RL Aníbal” de Linares, Jaén.
Eduardo Iturrizaga Bonelli proclamouse campión absoluto con 7,5 puntos en 9 roldas disputadas.
A xogadora Sabrina Vega Gutiérrez alzouse có título de Campioa de España Feminina con 6 puntos.
O xogador galego mellor clasificado foi o GM Iván Salgado do Club Xadrez Ourense, obtendo o 6º posto con 7 puntos.
Toda a información, neste enlace.
Subvencións a entidades deportivas da Secretaría Xeral para o Deporte
Hoxe, venres 20 de agosto, publicouse no Diario Oficial de Galicia a RESOLUCIÓN coas listaxes definitivas de entidades beneficiarias das subvencións para actividades deportivas e medidas COVID (procedemento PR945C), así como as solicitudes denegadas por non acadar a puntuación mínima, e as inadmitidas e desistidas da súa petición.
Os beneficiarios poden solicitar o cobro da axuda e achegar a documentación xustificativa a través da sede electrónica a partir de mañá sábado 21 de agosto.
Recoméndase ler a “GUÍA” que está dispoñible xunto coa Resolución de beneficiarios no seguinte enlace.
Campionato de España Individual de Xadrez Rápido 2021
O Campionato de España de Xadrez Rápido celebrouse durante o día 14 de agosto no Complexo Polideportivo “la Salobreja” de Jaén e contou cá participación de 205 xogadores.
O valenciano Eduardo Iturrizaga Bonelli proclamouse campión absoluto con 7,5 puntos. Íñigo López Mulet de Extremadura e Ángel Espinosa Aranda de Madrid completaron o podio, cós mesmos puntos que o gañador do torneo, como segundo e tercer clasificado respectivamente.
O xogador galego mellor clasificao foi o GM Iván Salgado López (Club Deportivo Xadrez Ourense) con 7 puntos e o 7º posto.
Enlace a Info64.
Campionato de España Individual de Xadrez Lóstrego 2021
O Campionato de España de Xadrez Lóstrego, cá participación de 242 xogadores, disputoise durante a tarde do día 13 de agosto no Balneario de Marmolejo, Jaén.
O xogador da Federación Valenciana, Francisco Vallejo Pons, proclamouse campión absoluto con 8 puntos. O xogador galego e GM Iván Salgado López do Club Xadrez Ourense obtivo o tercer posto con 7,5 puntos.
Enlace a Info64.
Campionato de España por Equipos de Club de Segunda División 2021
O Campionato de España por Equipos de Club de Segunda División celebrouse do 09 ao 13 de agosto nos salóns do hotel “RL Aníbal” de Linares, Jaén. O campionato disputouse por sistema suizo a 7 roldas e 5 taboleiros cunha participación de 48 equipos.
O equipo aragonés “Myinvestor Casablanca” proclamouse campión con 12 puntos, mentras que o equipo andaluz “Oromana CEN Solutions” ocupou a segunda praza con 11 puntos.
O equipo galego Circulo Ferrolán de Xadrez obtivo 8 puntos e o 23º posto.
Enlace a Info64.
Enlace a Chess24.
XVIII Campionato de España Individual de Veteranos 2021
A Federación Española de Ajedrez a través da súa circular 25/2021 convoca o XVIII Campionato de España Individual de Veteranos 2021.
Toda a información, neste enlace.
