Category Archives: Sin categoría
Circuitos Galegos 2026
XIX Circuito Galego Promoción 2026
Dando continuidade ao circuito promoción celebrado no ano 2025, dende a Federación Galega de Xadrez estase a traballar na elaboración do XIX CIRCUITO GALEGO PROMOCIÓN 2026.
O prazo de inscrición pecharase o 29 de Marzo de 2026, non obstante, terán preferencia os torneos incluídos no calendario 2025 e o resto das solicitudes por ausencia de torneo na cidade ou orde de entrada no e-mail fegaxa@fegaxa.org.
Máis información, neste enlace.
XXXVII Circuito Galego de Xadrez 2026
Dando continuidade ao circuito internacional celebrado o ano pasado, desde a Federación Galega de Xadrez estase a traballar na elaboración do XXXVII CIRCUITO GALEGO DE XADREZ INTERNACIONAL 2026.
Ao igual que o ano pasado, o Circuito Internacional poderá estar formado por torneos standard e/ou torneos de rápidas celebrados entre Maio 2026 e Novembro 2026 (ambos meses incluídos) e, atendendo ás solicitudes recibidas dos organizadores da anterior edición e outros que o soliciten fehacentemente.
Establécense 3 tipos de torneos cun mínimo de premios en metálico (toda a información neste enlace).
O prazo de inscrición pecharase o 25 de Marzo de 2026 no e-mail fegaxa@fegaxa.org enviando o formulario de inscrición (formato doc, formato pdf ou formato Open Office).
Reunión co secretario xeral para o deporte
O secretario xeral para o deporte Galego, Roberto García Fernández, recibiu a Gaspar Pérez Carnero, presidente da Federación Galega de Xadrez, durante o encontro, tratáronse diferentes aspectos relacionados co desenrolo do noso deporte así como futuros proxectos.
Liga Galega por equipos de Club 2026
Lémbrase a todos os equipos participantes da Liga Galega por equipos de Club 2026, que atendendo o apartado 3.7 do art. 62º do Reglamento Xeral de Competicións, o prazo límite para incluír xogadores nas ordes de forza será ata as 17 h. do xoves 5 de marzo.
Pasado ese prazo non se admitirán novas incorporacións.
Eleccións 2026
Para dar cumprimento á: Lei 3/2012 do Deporte de Galicia, Lei 3/2025 de modificación da Lei 3/2012; Decreto 16/2018; e ao Decreto 171/2021 polo que se modifica o Decreto 16/2018, pubícanse a día de hoxe (27/02/2026) os CENSOS INICIAIS da Federación Galega de Xadrez.
Toda a información, neste enlace.
Xornada Aprazada
Por acordo da Comisión Delegada da Federación Galega de Xadrez e, en base ao apartado 6.1 do artigo 62 do Regulamento Xeral de Competicións, determínase como data para celebrar a 1ª rolda aprazada polas condicións meteorolóxicas adversas; o Xoves, 19/03/2026 ás 17:00 horas.
No obstante, por acordo mutuo entre os clubs, poderán solicitar á FEGAXA por escrito mediante e-mail (fegaxa@fegaxa.org) a anticipación da disputa do encontro dos seus equipos con anterioridade á data establecida.
Consecuentemente, polo referido no apartado anteriormente citado, os grupos de 3ª División F e I terán que disputar a xornada aprazada antes do 07/03/2026 ás 17:00 horas.
Para as alienacións terase en conta o citado nos apartados 3.7, 3.9 e 6.3 do artigo 62 do Regulamento Xeral de Competicións.
Falece Ramón Antonio Pérez Poza
A Federación Galega de Xadrez e todo o xadrez galego damos o máis sentido pésame a familia, club e amigos de Ramón Antonio Pérez Poza polo seu falecemento.- DEP.
